![](https://i0.wp.com/koloapp.in/home/wp-content/uploads/2022/07/79670166_1395452013962383_786966239170789376_n.jpg?resize=750%2C401&ssl=1)
5 സെന്റ് സ്ഥലത്ത് 1750 ചതുരശ്ര അടിയിൽ പണി തീർത്ത പച്ചപ്പും പ്രകൃതിയും നിറയുന്ന വീട്.(പ്ലാൻ ഉൾപ്പടെ)
സമൃദ്ധമായ മഴയും വെയിലും ലഭിക്കുന്ന പ്രദേശത്തിന്റെ സാധ്യത കണക്കിലെടുത്ത് ട്രോപ്പിക്കൽ ശൈലിയിലാണ് വീട് ഡിസൈൻ ചെയ്തത്
![](https://i0.wp.com/koloapp.in/home/wp-content/uploads/2022/07/79483749_1395452083962376_2357835052915621888_n.jpg?resize=750%2C750&ssl=1)
ഓപ്പൺ ബാൽക്കണിയുടെ ഒരുവശത്ത് ചെടികൾ പടർന്നുകയറാനായി മെറ്റൽ ഗ്രില്ലുകൾ നൽകി. ഇതിലൂടെ വള്ളിച്ചെടികൾ യാത്ര തുടങ്ങിക്കഴിഞ്ഞു. ഇത്തിരിവട്ടത്തിലും ചുറ്റുമതിലിനോട് ചേർത്തു കാർ പോർച്ച് ഒരുക്കി.
![](https://i0.wp.com/koloapp.in/home/wp-content/uploads/2022/07/79657253_1395452073962377_1653575238027313152_n.jpg?resize=750%2C391&ssl=1)
അകത്തേക്ക് കയറുമ്പോൾ ഞെരുക്കം അനുഭവപ്പെടരുത് എന്നതായിരുന്നു മറ്റൊരാവശ്യം.സിറ്റൗട്ട്, പോർച്ച്, സ്വീകരണമുറി, ഊണുമുറി അടങ്ങുന്ന ഹാൾ, നടുമുറ്റം, മൂന്ന് കിടപ്പുമുറികൾ എന്നിവയാണ് 1750 ചതുരശ്രയടിയിൽ ഒരുക്കിയത്.
![](https://i0.wp.com/koloapp.in/home/wp-content/uploads/2022/07/78995491_1395452217295696_6404154898169987072_n.jpg?resize=750%2C391&ssl=1)
അനാവശ്യ ചുവരുകൾ ഇല്ലാതെ, തുറസായ ശൈലിയിൽ അകത്തളങ്ങൾ ഒരുക്കിയതാണ് നിർണായകമായത്. ഇതിലൂടെ പരമാവധി ഇടങ്ങൾ ഉൾക്കൊള്ളിക്കാൻ സാധിച്ചു.
കണ്ണിൽ കുത്തികയറുന്ന നിറങ്ങൾ ഒഴിവാക്കി. പകരം റസ്റ്റിക് ഫിനിഷും വുഡൻ തീമും സമാസമം നൽകി. റസ്റ്റിക് ഫിനിഷുള്ള ടൈലുകളാണ് നിലത്തു വിരിച്ചത്.
![](https://i0.wp.com/koloapp.in/home/wp-content/uploads/2022/07/79139542_1395452397295678_7142954891592335360_n.jpg?resize=750%2C463&ssl=1)
സിറ്റൗട്ടിൽ നിന്നും നീണ്ട ഇടനാഴി നൽകിയാണ് അകത്തേക്ക് പ്രവേശിക്കുന്നത്. ഇതിന്റെ വശങ്ങളിലായി മുറികൾ ക്രമീകരിച്ചു.
![](https://i0.wp.com/koloapp.in/home/wp-content/uploads/2022/07/80223670_1395453330628918_8227004830376263680_n.jpg?resize=750%2C463&ssl=1)
സ്വീകരണമുറിക്കും ഊണുമുറിക്കും ഇടയിൽ പില്ലറുകൾ നൽകി സെമി പാർടീഷൻ ഒരുക്കി.ബ്രിക്ക് ക്ലാഡിങ് കൊണ്ടുള്ള ഭിത്തികൾ സ്വാഭാവിക ഭംഗി പകരുന്നു.
വീടിന്റെ ഹൃദയം തുറന്ന നടുമുറ്റമാണ്. കാറ്റും മഴയും വെയിലും ഇതിലൂടെ വീട്ടിലേക്ക് വിരുന്നെത്തുന്നു.നാച്ചുറൽ സ്റ്റോണും പുല്ലും വിരിച്ച് നിലം ഒരുക്കി.
![](https://i0.wp.com/koloapp.in/home/wp-content/uploads/2022/07/79097251_1395454940628757_9131056031269388288_n.jpg?resize=750%2C391&ssl=1)
ചെടികളും ചെറിയ വാട്ടർബോഡിയും നൽകി.ഒപ്പം പൂജാമുറിയും ഇവിടെ ക്രമീകരിച്ചു. മെറ്റൽ പർഗോള നൽകി മുകൾഭാഗം സുരക്ഷിതമാക്കി.ലിവിങ്, ഡൈനിങ്, കിടപ്പുമുറികൾ എന്നിവ നടുമുറ്റത്തിന്റെ കാഴ്ചകളിലേക്ക് തുറക്കുംവിധം ക്രമീകരിച്ചു.
![](https://i0.wp.com/koloapp.in/home/wp-content/uploads/2022/07/80006507_1395455097295408_3269518058506420224_n.jpg?resize=750%2C391&ssl=1)
ഡെഡ് സ്പേസ് ഒഴിവാക്കി, മെറ്റൽ പൈപ്പ് കൊണ്ടാണ് ഗോവണിയുടെ ഡിസൈൻ. ഇതിന്റെ വശത്തെ ഭിത്തികൾ മുഴുവൻ ഗ്ലാസ് കൊണ്ടാണ്. ഇതിലൂടെ പ്രകാശം അകത്തേക്ക് വിരുന്നെത്തുന്നു.പകൽസമയത്ത് വീടിനുള്ളിൽ ലൈറ്റും ഫാനും ഇടേണ്ട ആവശ്യമേ വരുന്നില്ല.
![](https://i0.wp.com/koloapp.in/home/wp-content/uploads/2022/07/79370236_1395455450628706_2672291603183304704_n.jpg?resize=750%2C463&ssl=1)
പിന്നിലൂടെ ഒഴുകുന്ന കരമനയാറിന്റെ കാഴ്ചകളിലേക്ക് തുറക്കുംവിധമാണ് മുകൾനിലയിൽ കിടപ്പുമുറികൾ ഒരുക്കിയത്.ഗ്ലാസ് ഭിത്തി നൽകിയതിനാൽ പുഴയുടെ കാഴ്ചകൾ വീട്ടിലേക്ക് വിരുന്നെത്തുന്നു.
![](https://i0.wp.com/koloapp.in/home/wp-content/uploads/2022/07/80059072_1395455927295325_5790985146286997504_n.jpg?resize=750%2C421&ssl=1)
സ്റ്റോറേജിന് പ്രാധാന്യം നൽകിയാണ് മോഡുലാർ അടുക്കള ഒരുക്കിയത്. രണ്ടു പേർക്കിരിക്കാവുന്ന ബ്രേക്ക്ഫാസ്റ്റ് പാൻട്രി കൗണ്ടറും ഇവിടെ നൽകി.
വീട്ടിൽ എത്തിയ പലരും പറഞ്ഞത് അകത്തേക്ക് കയറുമ്പോൾ ഇത് 5 സെന്റിന്റെ പരിമിതിയിൽ പണിത വീടാണെന്ന കാര്യമേ മറക്കും എന്നാണ്. പച്ചപ്പും പ്രകൃതിയും കാറ്റും കാഴ്ചയും നൽകുന്ന സന്തോഷം അനുഭവിച്ചറിയേണ്ടതാണ്.
![](https://i0.wp.com/koloapp.in/home/wp-content/uploads/2022/07/80716185_1395456390628612_4243694457456689152_n.jpg?resize=750%2C391&ssl=1)
Designer-View Point Designs_Thrissur
Architect-Shyam raj Chandroth