![](https://i0.wp.com/koloapp.in/home/wp-content/uploads/2022/06/Floating-shelves-kitchen.jpg?resize=750%2C500)
നിങ്ങളുടെ വീട്ടിലെ അടുക്കള ബോറടിക്കുന്നുണ്ടോ? മടുപ്പുളവാക്കുന്ന അടുക്കളയ്ക്ക് ജീവൻ നൽകുന്നതിനുള്ള അതിശയകരമായ അടുക്കള റാക്ക് ഡിസൈൻ കളക്ഷൻ പരിചയപ്പെടാം
ഇന്നത്തെ കാലത്ത് അടുക്കളകൾ കേവലം ഭക്ഷണം പാകം ചെയ്യാനുള്ള ഇടം മാത്രമല്ല. നിങ്ങളുടെ തനതായ സ്റ്റൈലും അഭിരുചിയും പ്രതിഫലിപ്പിക്കുന്ന ഇടങ്ങളായി അവ മാറിയിരിക്കുന്നു.
വീട്ടിലെ അംഗങ്ങൾ അല്ലാതെ വളരെ കുറച്ചുപേർ മാത്രമേ നിങ്ങളുടെ അടുക്കളയിലേക്ക് പ്രവേശനമുള്ളൂവെങ്കിലും, അടുക്കളകളുടെ അലങ്കാരത്തിന് വളരെയധികം ശ്രദ്ധ ആവശ്യമാണെന്നത് നിഷേധിക്കാനാവില്ല, പ്രത്യേകിച്ചും സ്റ്റോറേജ് സ്പെയ്സിന്റെ കാര്യത്തിൽ, അത് നിങ്ങളുടെ അഭിരുചിക്കനുസരിച്ച് ഇഷ്ടാനുസൃതമാക്കേണ്ട ഒരിടം തന്നെയാണ്.
മികച്ച ഒരു അടുക്കളയിൽ അലങ്കോലങ്ങളില്ലാതെ കാര്യങ്ങൾ കണ്ടെത്തുന്നത് എളുപ്പമാക്കുന്നതിനും , നിങ്ങളുടെ പാത്രങ്ങൾ, കത്തികൾ, ഭക്ഷണം പാകം ചെയ്യുന്നതിനും വിളമ്പുന്നതിനും ഉപയോഗിക്കുന്ന മറ്റ് ആക്സസറികൾ എന്നിവ ക്രമീകരിക്കുന്നതിനും അടുക്കള റാക്ക് ഡിസൈൻ ഉൾപ്പെടുത്തുന്നത് അത്യന്താപേക്ഷിതമാണ്.
അടുക്കള റാക്ക് ആശയങ്ങൾ
തുറന്ന കലവറയായി റാക്കുകൾ
![](https://i0.wp.com/koloapp.in/home/wp-content/uploads/2022/06/northcote-workers-cottage-olivia-van-dijk-architecture-img_6d81c2b308af8840_4-9710-1-81bec23.jpg?resize=640%2C426&ssl=1)
നിങ്ങളുടെ അടുക്കളയിൽ ഒരു കലവറ ഇല്ലെങ്കിൽ, അവിടെ ഒരു റാക്ക് ഉറപ്പിച്ച് ഒരു തുറന്ന മതിൽ സൃഷ്ടിച്ച് നിങ്ങൾക്ക് ഉപയോഗിക്കാൻ സാധിക്കും.
ഉപയോഗിക്കാൻ കഴിയാത്ത ഒരു സ്ഥലം മികച്ച രീതിയിൽ പ്രവർത്തിക്കുകയും രൂപകൽപ്പന വളരെ കുറവ് മതി എന്നതും ഇതിന്റെ പ്രത്യേകതയാണ്.
ഒരു ചെറിയ അടുക്കള പരമാവധി പ്രയോജനപ്പെടുത്താനുള്ള മറ്റൊരു വഴിയാണിത്.
സിങ്കിന് അടുത്തായി ഒരു റാക്ക്
![](https://i0.wp.com/koloapp.in/home/wp-content/uploads/2022/06/1easylife-over-the-sink-dish-drying-rack-alit-0421.jpg?resize=750%2C750&ssl=1)
പല അടുക്കളകളിലും, സിങ്കിന് മുകളിലോ തൊട്ടടുത്തോ ഒരു കാബിനറ്റ് ഉണ്ടാകാറുണ്ട് .
എന്നാൽ വായുസഞ്ചാരമുള്ള വലിയ ഒരു ഇടം ആണ് നിങ്ങൾ തേടുകയാണെങ്കിൽ, കാബിനറ്റ് മാറ്റി ഒരു കിച്ചൺ സ്റ്റീൽ റാക്ക് ഡിസൈൻ തിരഞ്ഞെടുക്കുക .
തിരഞ്ഞെടുക്കുന്ന റാക്കിന് ധാരാളം ഷെൽഫുകൾ ഉണ്ടെന്ന് ഉറപ്പാക്കുക. അവിടെ, നിങ്ങൾക്ക് ഡിഷ് വാഷിംഗ് സോപ്പുകൾ, ലിക്വിഡ് ഡിഷ്വാഷർ ജെല്ലുകൾ, സ്ക്രബുകൾ, സ്പോഞ്ചുകൾ, കൂടാതെ കാര്യമായ പരിചരണം ആവശ്യമില്ലാത്ത എന്ത് വസ്തുക്കളും സൂക്ഷിക്കാം.
മികച്ച ഒരു കാഴ്ച അനുഭവം സൃഷ്ടിക്കാൻ, അവിടെ രണ്ട് ചെറിയ വീട്ടുചെടികളും സ്ഥാപിക്കാം.
കോഫി ബാർ റാക്ക് ഡിസൈൻ
![](https://i0.wp.com/koloapp.in/home/wp-content/uploads/2022/06/fbb7a1af62c2ca59aa6251231e2bf3a3-683x1024.jpg?resize=683%2C1024&ssl=1)
കാപ്പി അല്ലെങ്കിൽ ചായ ഇഷ്ടപ്പെടുന്നവരിൽ ഒരാളാണ് നിങ്ങളെങ്കിൽ, നിങ്ങളുടെ അടുക്കളയിൽ റാക്കുകൾ കൊണ്ട് ഒരു കോഫി ബാർ സൃഷ്ടിക്കുന്നത് പരിഗണിക്കാം .
രാവിലെയും വൈകുന്നേരവും രാത്രിയും നിങ്ങളുടെ കാപ്പിക്കൂടി ആഗ്രഹങ്ങൾ തൃപ്തിപ്പെടുത്തുന്നതിന്, നിങ്ങൾ ചെയ്യേണ്ടത്.
നിങ്ങളുടെ കോഫി മേക്കർ ഉപയോഗിക്കുന്ന സ്ഥലത്തിന് അടുത്തായി രണ്ട് ഷെൽഫുകൾ സ്ഥാപിക്കാവുന്നതാണ് , അവിടെ നിങ്ങൾക്ക് പ്രിയപ്പെട്ട കോഫി പാത്രം, പാൽ പാത്രം, കാപ്പിപ്പൊടി, പഞ്ചസാര എന്നിവ സൂക്ഷിക്കാം.
പ്ലാസ്റ്റിക് ഡിഷ് റാക്ക് ഡിസൈൻ
![](https://i0.wp.com/koloapp.in/home/wp-content/uploads/2022/06/kitchen_dish_rack_plastic_dish_1614159335_d44b8a41_progressive.jpg?resize=720%2C732&ssl=1)
നിങ്ങളുടെ എല്ലാ പാത്രങ്ങളും കഴുകിയ ശേഷം സൂക്ഷിക്കാൻ പറ്റിയ ഒരു റാക്ക് ഇതാ.
മോടിയുള്ളതും, ശക്തമായതും, പരിസ്ഥിതി സൗഹാർദ്ദവും, പ്ലാസ്റ്റിക്കിൽ കൊണ്ട് നിർമ്മിച്ചതുമായ ഒരു റാക്ക് തിരഞ്ഞെടുക്കുക .
ഈ റാക്കുകളുടെ അടിയിലായി ഒരു ഡൈവേർഷൻ ട്രേ ഉണ്ടോയെന്ന് ഉറപ്പുവരുത്തുകയും വേണം, കഴുകിയ ശേഷം പാത്രങ്ങളിൽ അവശേഷിക്കുന്ന വെള്ളം പുറത്തേക്ക് ഒഴുകിപ്പോകാൻ ഈ സംവിധാനം ഗുണം ചെയ്യും
ചെറിയ പുൾ-ഔട്ട് റാക്കുകൾ
![](https://i0.wp.com/koloapp.in/home/wp-content/uploads/2022/06/81CGZXx5pmL._SL1500_-943x1024.jpg?resize=750%2C814&ssl=1)
വലിപ്പം കുറവായതിനാൽ, ഇത്തരം റാക്കുകളിൽ സ്പൂണുകൾ, ഫോർക്കുകൾ, കത്തികൾ, ചോപ്സ്റ്റിക്കുകൾ, സെർവിംഗ് സ്പൂണുകൾ മുതലായവ സൂക്ഷിക്കാൻ സഹായകമാണ്.
നിങ്ങളുടെ അടുക്കളയിലെ ബേസ് ക്യാബിനറ്റുകൾക്ക് ഉള്ളിലായി ഈ പുൾ ഔട്ട് റാക്കുകൾ ഉറപ്പിക്കാം .
കത്തികൾ, ഫോർക്കുകൾ, മറ്റ് മൂർച്ചയുള്ള വസ്തുക്കൾ എന്നിവ കുട്ടികൾക്ക് ലഭ്യമാകാതെ ഈ റാക്കുകൾ ഒരു സുരക്ഷാ കവചമായും പ്രവർത്തിക്കുന്നു