![](https://i0.wp.com/koloapp.in/home/wp-content/uploads/2022/02/iii-1024x828.jpg?resize=750%2C606&ssl=1)
ലോകത്തിലെ തന്നെ ഏറ്റവും മികച്ച ധാരാളം സമ്പന്നർ അധിവസിക്കുന്ന ഒരു സ്ഥലം തന്നെയാണ് നമ്മുടെ ഇന്ത്യ. ഈ സമ്പന്നരുടെ അഭിരുചികളും അഭിമാനവും വിളിച്ചറിയിക്കുന്ന നിരവധി കൊട്ടാര-വീടുകളും ഇന്ത്യയുടെ മണ്ണിൽ ഉയർന്നു നിൽക്കുന്നുണ്ട്.
പല രാജ്യങ്ങളുടെയും ജിഡിപി യെക്കാളും ചിലവിൽ നിർമ്മിക്കപ്പെട്ട ഇന്ത്യയിലെ 10 കൊട്ടാര-വീടുകളെ കുറിച്ച് അറിയാം.
1. ആന്റില
![](https://i0.wp.com/koloapp.in/home/wp-content/uploads/2022/02/antilia-building-g61c6ef903_1920-683x1024.jpg?resize=683%2C1024&ssl=1)
വിൽസ്, പെർക്കിൻസ് എന്ന ചിക്കാഗോ കാരായ ആർക്കിടെക്റ്റുകൾ ആണ് ഈ വീട് നിർമ്മിച്ചത്.
ഇന്ത്യയിലെ ഏറ്റവും ചെലവേറിയ വീട്, ലോകത്തിലെ രണ്ടാം സ്ഥാനം, ഇന്ത്യയിലെ ഏറ്റവും ധനികനായ മുകേഷ് അംബാനിയുടെ വസതി തുടങ്ങി നിരവധി പ്രത്യേകതകളുണ്ട് ആന്റിലക്ക്.
27 നിലകളുള്ള ഈ വീട്ടിൽ 80 സീറ്റുള്ള സിനിമ തിയേറ്റർ, സലൂൺ, ഐസ്ക്രീം പാർലർ, സ്വിമിങ് പൂൾ തുടങ്ങിയ എല്ലാത്തരം ആധുനിക സൗകര്യങ്ങളും ഒരുക്കിയിരിക്കുന്നു. ഫോബ്സ് മാസികയുടെ കണക്കനുസരിച്ച് 6000 മുതൽ 12,000 കോടി വരെയാണ് ആന്റിലയുടെ മൂല്യം.
2. Jk ഹൗസ്
![](https://i0.wp.com/koloapp.in/home/wp-content/uploads/2022/02/JK-House-1.jpg?resize=300%2C476&ssl=1)
raimond ഗ്രൂപ്പിന്റെ ഉടമസ്ഥനായ ഗൗതം സിംഘാനിയയുടെതാണ് ഇന്ത്യയിലെ ഏറ്റവും ചിലവേറിയ രണ്ടാമത്തേതും, ഉയരത്തിൽ ഒന്നാംസ്ഥാനത്തും ഉള്ള ഈ വീട്.
16000 സ്ക്വയർ ഫീറ്റിൽ 30 നിലകളിലായാണ് ഈ വീട് ഒരുക്കിയിരിക്കുന്നത്. ഇതിൽ ആറ് നിലകൾ പാർക്കിങ്ങിന് മാത്രമായാണ് ഉപയോഗിക്കുന്നത്.
3. അഡോബ്
![](https://i0.wp.com/koloapp.in/home/wp-content/uploads/2022/02/abode-ncpa-apartment.jpg?resize=607%2C600&ssl=1)
അംബാനി സഹോദങ്ങളിലെ ഇളയവനായ അനിൽ അംബാനിയുടെതാണ് ഈ കൊട്ടാരം. 16000 സ്ക്വയർ ഫീറ്റിൽ നിർമ്മിച്ചിരിക്കുന്ന ഈ വീടിന് 70 മീറ്ററോളം ഉയരവും ഹെലിപ്പാഡ് അടക്കം എല്ലാവിധ സൗകര്യങ്ങളും ഉൾക്കൊള്ളുന്നതാണ്.
ഏകദേശം 5000 കോടിയാണ് മൂല്യം.
4. ജാട്ടിയ ഹൗസ്
![](https://i0.wp.com/koloapp.in/home/wp-content/uploads/2022/02/jatiya.jpg?resize=700%2C467&ssl=1)
20 ബെഡ്റൂം അടക്കം മുപ്പതിനായിരം സ്ക്വയർഫീറ്റിൽ തീർത്തിരിക്കുന്ന ഈ വീടിന്റെ വാൾ ക്ലാഡിങ്ങും , സീലിങ്ങും ബർമ്മയിലെ മുന്തിയ തേക്കിൻ തടിയിലാണ് ഒരുക്കിയിരിക്കുന്നത്.
K. M ബിർലയുടെ ഉടമസ്ഥതയിലുള്ള ഈ സ്വർഗ്ഗ സദൃശ്യമായ കൊട്ടാരത്തിന് ഏകദേശം 425 കോടി രൂപ മൂല്യം കണക്കാക്കുന്നു.
5. മന്നത്ത് ഹൗസ്
![](https://i0.wp.com/koloapp.in/home/wp-content/uploads/2022/02/mannat.jpg?resize=750%2C497&ssl=1)
ബോളിവുഡ് സൂപ്പർ സ്റ്റാർ ആയ ഷാരൂഖ് ഖാന്റെ മന്നത്ത് വീടും ഇന്ത്യയിലെ ഏറ്റവും മനോഹരവും ചെലവേറിയതുമായ വീടുകളിൽ ഒന്നാണ്.
പരമ്പരാഗത വാസ്തുവിദ്യയുടെയും ഇറ്റാലിയൻ ആർക്കിടെക്ചറിന്റെയും സമ്മേളനമാണ് മുംബൈയിലെ ബാന്ദ്രയിൽ സ്ഥിതിചെയ്യുന്ന 200 കോടിയോളം മൂല്യം വരുന്ന ഈ സൂപ്പർസ്റ്റാർ കൊട്ടാരം.
6. ജിൻഡാൽ ഹൗസ്
![](https://i0.wp.com/koloapp.in/home/wp-content/uploads/2022/02/kolo.jpg?resize=750%2C580&ssl=1)
അടുത്തത് ഇന്ത്യയിലെ പ്രമുഖ ഇൻഡസ്ട്രിയലിസ്റ്റും പൊളിറ്റീഷ്യനുമായ നവീൻ ജിൻഡാലിന്റെ ഡൽഹിയിൽ സ്ഥിതിചെയ്യുന്ന ജിൻഡാൽ ഹൗസ് ആണ്. അതിസമ്പന്നരുടെ കേന്ദ്രമായ leafy lutyens bungalow എന്ന സ്ഥലത്താണ് ഇന്ത്യയിലെ മികച്ചതും ചെലവേറിയതുമായ ഈ വീടിന്റെ സ്ഥാനം.
മൂന്ന് ഏക്കറിലായി പരന്നുകിടക്കുന്ന ഈ വീടിന് ഏകദേശം 125 മുതൽ 150 കോടി രൂപയുടെ മൂല്യം കണക്കാക്കുന്നു.
7. രത്തൻ ടാറ്റയുടെ റിട്ടയർമെന്റ് ഹോം
![](https://i0.wp.com/koloapp.in/home/wp-content/uploads/2022/02/tata.jpg?resize=750%2C388&ssl=1)
ടാറ്റാ ഗ്രൂപ്പിന്റെ ഉടമസ്ഥൻ രത്തൻ ടാറ്റയുടെ റിട്ടയർമെന്റ് ഹൗസ് ആണ് ഇന്ത്യയിലെ അതിസമ്പന്നമായ വീടുകളിൽ അടുത്തത്. 13,350 സ്ക്വയർഫീറ്റിൽ 150 കോടി രൂപ മുതൽമുടക്കിയാണ് രത്തൻ ടാറ്റ ഈ കൊട്ടാരം നിർമ്മിച്ചിരിക്കുന്നത്.
8. റൂയിയ ഹൗസ്
![](https://i0.wp.com/koloapp.in/home/wp-content/uploads/2022/02/ruia.jpg?resize=640%2C480&ssl=1)
എസ്സാർ ഗ്രൂപ്പിന്റെയും, വ്യവസായ പ്രമുഖരായ റൂയിയ സഹോദരന്മാരുടെയും ഉടമസ്ഥതയിലുള്ള ഈ മനോഹരമായ വീട് ഡൽഹിയിൽ 2.24 ഏക്കറിലായി പരന്നു കിടക്കുന്നു.
ഏകദേശം 120 കോടിയോളം രൂപയാണ് ഈ വീടിന്റെ മൂല്യം.
9. റാണ കപൂർ ഹൗസ്
![](https://i0.wp.com/koloapp.in/home/wp-content/uploads/2022/02/kapoor.jpg?resize=750%2C500&ssl=1)
മുൻ ബാങ്കറും യെസ് ബാങ്കിന്റെ മാനേജിങ് ഡയറക്ടറും, സിഇഒയുമായ റാണാ കപൂറിന്റെ ഉടമസ്ഥതയിലുള്ള ഈ വീട് മുംബൈയിലെ tony altamount റോഡിലാണ് സ്ഥിതി ചെയ്യുന്നത്. ഏകദേശം 120 കോടി രൂപയോളം മൂല്യം ഈ വീടിന് കണക്കാക്കുന്നു.
10. ജൽസ
![](https://i0.wp.com/koloapp.in/home/wp-content/uploads/2022/02/amithabh-1024x768.jpg?resize=750%2C563&ssl=1)
ഇതിഹാസ നടൻ അമിതാബച്ചന്റെ ഉടമസ്ഥതയിലുള്ള കൊട്ടാര-വീടാണ് ജൽസ. satte pe satta എന്ന ചിത്രത്തിന്റെ പൂർത്തീകരണത്തിന് ശേഷം സംവിധായകൻ രമേശ് സിപ്പി ബച്ചന് സമ്മാനിച്ച ഈ വീട് പതിനായിരം സ്ക്വയർഫീറ്റിൽ 120 കോടി രൂപയോളം മൂല്യം വരുന്ന മനോഹരമായ ഒരു നിർമ്മിതിയാണ്.