![](https://i0.wp.com/koloapp.in/home/wp-content/uploads/2022/08/82423179_1427722050735379_81151701955903488_n.jpg?resize=750%2C436&ssl=1)
30 സെന്ററിൽ 3300 sqft ൽ തീർത്ത ഈ കേരളത്തനിമയുള്ള വീട് അതിമനോഹരവും അതേപോലെ തന്നെ നമ്മുടെ കാലാവസ്ഥയോടും ആവിശ്യങ്ങളോടും ചേർന്നുനിൽക്കുന്നതാണ്
ഫ്ലാറ്റ് റൂഫായി വാർത്ത് മുകളിൽ ട്രസ് ചെയ്താണ് ഓടുവിരിച്ചത്. ചരിഞ്ഞ മേൽക്കൂരയും മുഖപ്പുകളും വീടിനു കേരളത്തനിമ പകരുന്നു.
![](https://i0.wp.com/koloapp.in/home/wp-content/uploads/2022/08/82072014_1427720990735485_650503918312226816_n.jpg?resize=750%2C499&ssl=1)
പഴയ കേരളത്തനിമയുള്ള വീടുകൾ പൊളിച്ചിടത്തു നിന്ന് ശേഖരിച്ച മേച്ചിൽ ഓടുകൾ വിരിച്ചു.ഇത് പുറംകാഴ്ചയിൽ വീടിനു പഴമ തോന്നാൻ ഇടയാക്കുന്നു.
പുറംചുവരുകൾ വെള്ള നിറമാണ് നൽകിയത്.മധ്യത്തിലുള്ള ഗോപുരത്തിൽ വെട്ടുകല്ലിന്റെ ഫിനിഷുള്ള ക്ലാഡിങ് പതിച്ചത് കാഴ്ചയിൽ വേർതിരിവ് നൽകുന്നു.
![](https://i0.wp.com/koloapp.in/home/wp-content/uploads/2022/08/82462717_1427721067402144_8023413158523699200_n.jpg?resize=636%2C960&ssl=1)
പഴയ കേരളത്തനിമയുള്ള തറവാടിനെ അനുസ്മരിപ്പിക്കുന്ന ജനലുകളും കിളിവാതിലുകളും എലവേഷനിൽ നൽകിയിട്ടുണ്ട്.
സ്വീകരണമുറി, ഓഫിസ് മുറി, ഊണുമുറി, രണ്ടു കിടപ്പുമുറികൾ, അടുക്കള, വർക്കേരിയ എന്നിവയാണ് താഴത്തെ നിലയിൽ ക്രമീകരിച്ചത്.
![](https://i0.wp.com/koloapp.in/home/wp-content/uploads/2022/08/82560806_1427721214068796_1602863859083771904_n.jpg?resize=640%2C960&ssl=1)
ലിവിങ്, രണ്ടു കിടപ്പുമുറി, യൂട്ടിലിറ്റി ഏരിയ എന്നിവ മുകൾനിലയിലും ക്രമീകരിച്ചു.കാറ്റിന്റെ വെളിച്ചത്തിന്റെയും ഒഴുക്ക്, മുറികളുടെ സ്ഥാനം എന്നിവയിലെല്ലാം വാസ്തുപ്രമാണങ്ങൾ പാലിച്ചാണ് നിർമാണം.
![](https://i0.wp.com/koloapp.in/home/wp-content/uploads/2022/08/82467670_1427721234068794_3450018951088570368_n.jpg?resize=750%2C500&ssl=1)
അതിനാൽ വീടിനുള്ളിൽ എപ്പോഴും സുഖകരവും പ്രസന്നവുമായ അന്തരീക്ഷം നിലനിൽക്കുന്നു.ഫർണിച്ചർ, വാഡ്രോബ്, കബോർഡ് എന്നിവയ്ക്ക് ഉപയോഗിച്ചത്. സ്വീകരണമുറിയുടെ ഭിത്തിയിൽ വോൾപേപ്പർ നൽകി കമനീയമാക്കിയിട്ടുണ്ട്.
![](https://i0.wp.com/koloapp.in/home/wp-content/uploads/2022/08/82261655_1427721310735453_1126093820321071104_n.jpg?resize=750%2C391&ssl=1)
ഇളം നിറത്തിലുള്ള വിട്രിഫൈഡ് ടൈലുകളാണ് പ്രധാന ഇടങ്ങളിൽ വിരിച്ചത്. മുകൾനിലയിൽ കാവി നിറമുള്ള ടൈലുകളും പതിച്ചു.തടിയും ഗ്ലാസുമാണ് ഗോവണിയുടെ കൈവരികളിൽ നൽകിയത്. ഗോവണിയുടെ താഴെ വാഷ് ഏരിയയും ക്രമീകരിച്ചു.
![](https://i0.wp.com/koloapp.in/home/wp-content/uploads/2022/08/81371268_1427721357402115_4826900786610962432_n.jpg?resize=640%2C960&ssl=1)
സ്റ്റോറേജിന് പ്രാധാന്യം നൽകിയാണ് നാലു കിടപ്പുമുറികളും ഒരുക്കിയത്. പുറത്തെ കാഴ്ചകൾ ആസ്വദിക്കാൻ പാകത്തിൽ കിളിവാതിലുകളും നൽകിയിട്ടുണ്ട്. വാഡ്രോബ്, ബാത്റൂം സൗകര്യങ്ങളും ഒരുക്കിയിട്ടുണ്ട്.
![](https://i0.wp.com/koloapp.in/home/wp-content/uploads/2022/08/82211698_1427721490735435_1904683327076433920_n.jpg?resize=750%2C500&ssl=1)
ഓപ്പൺ കിച്ചനാണ് മറ്റൊരു സവിശേഷത. പ്ലൈവുഡ്, പിയു പെയിന്റ് ഫിനിഷിലാണ് കബോർഡുകൾ ഒരുക്കിയത്.അടുക്കളയുടെ പാതകം ഭക്ഷണം കഴിക്കാനുള്ള കൗണ്ടറായും ഉപയോഗിക്കാം. സമീപം വർക്ക് ഏരിയ, പുറത്ത് സ്റ്റോർ ഏരിയ എന്നിവയും ഒരുക്കി.
![](https://i0.wp.com/koloapp.in/home/wp-content/uploads/2022/08/83344774_1427721657402085_1725026734870364160_n.jpg?resize=750%2C391&ssl=1)
മുകൾനിലയിലെ യൂട്ടിലിറ്റി ഏരിയയിൽ ഒരു ആട്ടുകട്ടിൽ നൽകിയിട്ടുണ്ട്. വീട്ടുകാരുടെ ഇഷ്ട ഒത്തുകൂടൽ ഇടമാണിവിടം.ഇവിടെയിരുന്നാൽ സമീപത്തെ കാഴ്ചകൾ കാറ്റിന്റെ തഴുകലിനൊപ്പം കണ്ടാസ്വദിക്കാം.
![](https://i0.wp.com/koloapp.in/home/wp-content/uploads/2022/08/82961393_1427721620735422_8851464414897897472_n.jpg?resize=750%2C391&ssl=1)
![](https://i0.wp.com/koloapp.in/home/wp-content/uploads/2022/08/82451745_1427721877402063_1838554342685147136_n.jpg?resize=750%2C391&ssl=1)
Desiner-North Pole Constructions,Thrissur
+91 9207 450480