![](https://i0.wp.com/koloapp.in/home/wp-content/uploads/2022/07/80119742_1403541253153459_8166175247217721344_n.jpg?resize=750%2C500&ssl=1)
ഈ വീട് നിർമ്മിച്ച രാജീവ് ചാലക്കുടി പോട്ട സ്വദേശിയാണ് . ഒരു മ്യൂസിക് ഷോയ്ക്കായി നടത്തിയ യൂറോപ്യൻ പര്യടനമാണ് രാജീവിന്റെ ഭവനസങ്കൽപങ്ങളെ അകെ മാറ്റിമറിച്ചത്.
ആദ്യ കാഴ്ചയിൽതന്നെ രാജീവ് അവിടുള്ള കൊളോണിയൽ വീടുകളുടെ കടുത്ത ആരാധകനായി മാറി.
![](https://i0.wp.com/koloapp.in/home/wp-content/uploads/2022/07/80206308_1403541326486785_8533408364208586752_n.jpg?resize=750%2C500&ssl=1)
വള്ളിച്ചെടികൾ പടർന്നു പൂവിട്ടു നിൽക്കുന്ന കൊളോണിയൽ ശൈലിയിലുള്ള വീടുകൾ അയാളുടെ ഉള്ളിൽ ഭവന നിർമ്മാണത്തിന്റെ പുതിയ മാനങ്ങൾ തീർത്തു .
നിറയെ വെളിച്ചം നിറയുന്ന അകത്തളങ്ങൾ അയാളെ അതുപോലെ ഒന്ന് നിർമ്മിക്കാൻ പ്രയരിപ്പിച്ചു. തിരികെ നാട്ടിലെത്തിയപ്പോൾ ആ കാഴ്ചകൾ പുതിയ വീടിന്റെ രൂപകൽപനയിലേക്ക് രാജീവ് പറിച്ചുനട്ടു.
![](https://i0.wp.com/koloapp.in/home/wp-content/uploads/2022/07/80235933_1403541339820117_441449765318688768_n.jpg?resize=750%2C500&ssl=1)
അങ്ങനെയാണ് ചാലക്കുടിയിൽ യൂറോപ്യൻ മാതൃകയിലുള്ള ഒരു കൊളോണിയൽ വീട് നിർമ്മിക്കാൻ നിമിത്തമാകുന്നത്
തറവാടിനോടു ചേർന്നാണ് ഈ വീട് വയ്ക്കാൻ തീരുമാനിച്ചത്. 2200 ചതുരശ്രയടി വിസ്തീർണമുള്ള വീട്ടിൽ ലിവിങ്, ഡൈനിങ്, കിച്ചൻ, മൂന്ന് കിടപ്പുമുറികൾ, മ്യൂസിക് സ്റ്റുഡിയോ എന്നിവയാണ് പ്രധാനമായും ഒരുക്കിയിരിക്കുന്നത്.
![](https://i0.wp.com/koloapp.in/home/wp-content/uploads/2022/07/80339101_1403541343153450_2916062071319691264_n.jpg?resize=750%2C500&ssl=1)
എക്സ്പോസ്ഡ് ബ്രിക്ക് വർക്കാണ് വീടിന്റെ പുറംഭിത്തികളെ വേറിട്ടുനിർത്തുന്നത്. റൂഫിൽ ട്രസ് ചെയ്ത് ബെയ്ജ് നിറമുള്ള റൂഫിങ് ടൈൽ വിരിച്ചു.
പ്ലോട്ടിന്റെ ചരിവ് മുതലാക്കിയാണ് ഡിസൈൻ. പുറംകാഴ്ചയിൽ ഒറ്റനില വീട് എന്നേ തോന്നുകയുള്ളൂ. എന്നാൽ താഴെ ഒരു ഭൂഗർഭനില കൂടി പണിതു.
![](https://i0.wp.com/koloapp.in/home/wp-content/uploads/2022/07/79985976_1403541356486782_5374992691513786368_n.jpg?resize=640%2C960&ssl=1)
ഇവിടെ സംഗീതം പരിശീലിക്കാനും സുഹൃത്തുക്കളുമായി ഒത്തുകൂടാനുമുള്ള ഇടമാക്കി മാറ്റി. ഒരു കിടപ്പുമുറിയും നൽകി.
കണ്ണിൽ കുത്തിക്കയറുന്ന ആർഭാടങ്ങൾ ഒന്നും അകത്തളത്തിൽ കുത്തിനിറച്ചിട്ടില്ല.
![](https://i0.wp.com/koloapp.in/home/wp-content/uploads/2022/07/80222950_1403541569820094_1174296371428065280_n.jpg?resize=640%2C960&ssl=1)
ചുവരുകളും സീലിങ്ങും അടക്കം കഴിവതും ലളിതമാക്കി. പ്രധാന ഹാളിൽ മാത്രം ഫാൾസ് സീലിങ് നൽകി. മറ്റിടങ്ങളിൽ ലൈറ്റ് പോയിന്റുകൾ നേരിട്ടുനൽകി.
ഗ്ലോസി ഫിനിഷുള്ള വിട്രിഫൈഡ് ടൈലുകളാണ് നിലത്തു വിരിച്ചത്. സ്റ്റെയിൻലെസ്സ് സ്റ്റീൽ ഉപയോഗിച്ചാണ് ഗോവണിയുടെ കൈവരികൾ.
![](https://i0.wp.com/koloapp.in/home/wp-content/uploads/2022/07/80964534_1403541583153426_8077990016623575040_n.jpg?resize=750%2C500&ssl=1)
അലുമിനിയം ഫാബ്രിക്കേഷൻ ചെയ്താണ് കിച്ചൻ കബോർഡുകൾ ഒരുക്കിയത്.
സ്റ്റോറേജിന് പ്രാധാന്യം നൽകിയാണ് കിടപ്പുമുറികൾ. വാഡ്രോബുകൾ അലുമിനിയം ഫാബ്രിക്കേഷൻ ചെയ്തു.
![](https://i0.wp.com/koloapp.in/home/wp-content/uploads/2022/07/80381185_1403541716486746_2047889261985792000_n.jpg?resize=750%2C420&ssl=1)
മാസ്റ്റർ ബെഡ്റൂമിൽ നിന്നും പുറത്തെ പച്ചപ്പിന്റെ കാഴ്ചകൾ ആസ്വദിക്കാൻ ബാൽക്കണി നൽകി. ഇത് ഈ വീടിന്റെ ഒരു ഫേവറിറ്റ് കോർണറാണ്.
ചുറ്റുമതിലും ലാൻഡ്സ്കേപ്പിങ്ങും വീടിന്റെ തുടർച്ചയായി വരുംവിധമാണ് ഒരുക്കിയത്.
![](https://i0.wp.com/koloapp.in/home/wp-content/uploads/2022/07/80806562_1403541579820093_3846823270099714048_n.jpg?resize=538%2C960&ssl=1)
വീടുപണി സമയത്തുതന്നെ മരങ്ങളും വള്ളിച്ചെടികളും നട്ടുവളർത്താൻ തുടങ്ങിയിരുന്നു. വീടിനൊപ്പം അവയും വളർന്നു.
കുറച്ചുനാൾ കൂടി കഴിയുമ്പോൾ വള്ളിച്ചെടികൾ വീടിനു കുട വിരിച്ചു പൂവിട്ടു നിൽക്കും. അതിനായി കാത്തിരിക്കുകയാണ് രാജീവും കുടുംബവും .
![](https://i0.wp.com/koloapp.in/home/wp-content/uploads/2022/07/80497012_1403541883153396_4750854142912626688_n.jpg?resize=750%2C500&ssl=1)
യൂറോപ്യൻ മാതൃകയിലുള്ള ഒരു കൊളോണിയൽ വീട്ടിനുള്ളിൽ വെളിച്ചം നിറയുന്ന അകത്തളങ്ങളും വിശാലമായ അന്തരീക്ഷവും നമ്മുടെ കേരളം ശൈലിയിലെ വീടുകളിലേക്ക് സന്നിവേശിപ്പിച്ച് ഒരുക്കം നിങ്ങൾക്കും ഒരു വീട്
Location- Potta, Thrissur
Area- 2200 SFT
Owner- Rejeev
Designer- Sajeev
Earth care technology, Thrissur
Mob- 98477 65464
കിണർ വൃത്തിയാക്കാൻ ഇറങ്ങുമ്പോൾ ഇവ അറിഞ്ഞിരുന്നാൽ വലിയ അപകടങ്ങൾ ഒഴിവാകാം