എല്ലാ മേഖലയിലും വലിയ മാറ്റങ്ങൾ വരുന്ന സമയം ആണ് ഇത് .നിർമ്മാണ മേഖലയിലും അതിന്റെ കാര്യമായ പ്രതിഫലനം കാണാൻ തുടങ്ങിയിരിക്കുന്നു .ചിലവ് ചുരുങ്ങിയ ചെറിയ വീട് കളുടെ പുറകെയാണ് ഇപ്പോൾ എല്ലാവരും .കാണാം മനോഹരമായ ഒരു ചെറിയ വീട് .
കൊറോണക്കാലവും ആഗോളസാമ്പത്തികമാന്ദ്യവും കേരളത്തിലെ നിർമാണമേഖലയിലും പല മാറ്റങ്ങൾ കൊണ്ടുവന്നിരിക്കുകയാണ് .
പ്രവാസികളുടെ മടങ്ങിവരവും തൊഴിൽനഷ്ടവും മൂലം വീടിനായി ഒരുപാട് പണം മുടക്കുന് രീതിക്ക് കാര്യമായ മാറ്റം വന്നിട്ടുണ്ട് .
ചെറിയ പ്ലോട്ടിൽ ചെറിയ സൗകര്യങ്ങളുള്ള വീടുകൾക്ക് പ്രചാരം നാള്ക്കുനാള് കൂടി വരികയാണ് . അത്തരത്തിൽ നിർമിച്ച വീടിന്റെ വിശേഷങ്ങൾ അറിയാം .
മലപ്പുറം ടൗണിൽ 6 സെന്റിലാണ് പുതിയ വീട്. തൊട്ടടുത്തുള്ള തറവാട്ടിൽ നിന്നും മാറി പുതിയ വീട് വയ്ക്കാൻ പദ്ധതിയിടുമ്പോൾ പ്രധാനമായും രണ്ടു കാര്യങ്ങളാണ് തീരുമാനിച്ചത്.
രണ്ടു കിടപ്പുമുറികളുള്ള ചെറിയ വീട് മതി. എന്നാൽ ഫർണിഷിങ്ങിൽ ഗുണനിലാരം നിലനിർത്തുകയും വേണം. മഷൂബ് എന്ന വ്യക്തിയാണ് സ്ട്രക്ചർ നിർമിച്ചത്.
അതിനുശേഷമാണ് ഡിസൈനർ ജുമാനെ വീടൊരുക്കാൻ ഏൽപിക്കുന്നത്. ജുമാൻ ചെയ്ത വീടുകൾ കണ്ടിഷ്ടമായാണ് സമീപിച്ചത്.
ഭാവിയിൽ മുകളിലേക്ക് പണിയാൻ പാകത്തിൽ ഫ്ലാറ്റ് റൂഫായാണ് സ്ട്രക്ചർ ഒരുക്കിയത്. വീടിന്റെ മധ്യത്തിലുള്ള ലാറ്ററൈറ്റ് ക്ലാഡിങ് പതിപ്പിച്ച ഷോവാളാണ് പുറംകാഴ്ചയിലെ ഹൈലൈറ്റ്. മുകളിൽ സ്റ്റെപ് ഇറങ്ങുന്ന ഭാഗം ട്രസ് വർക് ചെയ്തു റൂഫ് ടൈൽ വിരിച്ചു.
സിറ്റൗട്ട്, ലിവിങ്, ഡൈനിങ്, കിച്ചൻ, രണ്ടു കിടപ്പുമുറികൾ, ബാത്റൂം എന്നിവയാണ് 1000 ചതുരശ്രയടിയിൽ ഒരുക്കിയത്. ഫർണിഷിങ്ങിൽ വിട്ടുവീഴ്ച ചെയ്തിട്ടില്ല.
ഗുണനിലവാരമുള്ള സാമഗ്രികളാണ് ഉപയോഗിച്ചത്. ഫർണിച്ചറുകൾ കൂടുതലും ഇന്റീരിയറിനോട് ഇണങ്ങുംവിധം കസ്റ്റമൈസ് ചെയ്തു.
മാറ്റ് ഫിനിഷുള്ള വിട്രിഫൈഡ് ടൈലാണ് നിലത്തുവിരിച്ചത്. ജിപ്സം ഫോൾസ് സീലിങ്ങും എൽഇഡി ലൈറ്റുകളും നൽകി.
പ്ലൈവുഡ്, മൈക്ക ഫിനിഷിലാണ് കിച്ചൻ ക്യാബിനറ്റുകൾ. നാനോവൈറ്റാണ് കൗണ്ടറിൽ വിരിച്ചത്.
രണ്ടു കിടപ്പുമുറികളും മിനിമൽ ശൈലിയിലാണ് ഒരുക്കിയത്. ഒരു അറ്റാച്ഡ് ബാത്റൂമും ഒരു കോമൺ ബാത്റൂമും നൽകി.
പച്ചപ്പിനോട് ഇഷ്ടമായതുകൊണ്ട് പരമാവധി ഇൻഡോർ പ്ലാന്റസും നൽകിയിട്ടുണ്ട്. ഫർണിഷിങ്ങും ചുറ്റുമതിലും ലാൻഡ്സ്കേപ്പും സഹിതം 22 ലക്ഷം രൂപയാണ് ചെലവായത്.
അത്രയും ബജറ്റ് സമ്മതമായിരുന്നത് കൊണ്ടാണ് അത്രയും ചെലവായത്. ഫർണിഷിങ് ലളിതമാക്കിയാൽ ഇത്തരമൊരു വീട് ഏകദേശം 18 ലക്ഷത്തിന് പൂർത്തിയാക്കാനാകും.
ചെലവ് കുറയ്ക്കാൻ ചില കാര്യങ്ങളും ചെയ്തിട്ടുണ്ട്.
തടിയുടെ ഉപയോഗം നിയന്ത്രിച്ചു. യുപിവിസി ജനലും വാതിലും ഉപയോഗിച്ചു.
മെറ്റൽ ഫ്രയിമിൽ നാനോവൈറ്റ് കൗണ്ടർ നൽകിയാണ് ഊണുമേശ ഒരുക്കിയത്.
ഗോവണിയുടെ കൈവരികൾക്ക് ജിഐ ഉപയോഗിച്ചു.
Project facts
Location- Malappuram Town
Plot- 6 cent
Area- 1000 SFT
Owner- Harris
Structure- Mashoob
Designer- Asar Juman
AJ Designs
Mob- 96339 45975
Budget- 22 Lakhs