![](https://i0.wp.com/koloapp.in/home/wp-content/uploads/2022/02/how-care-house-plants-kids-retina_retina_a311ba41cac5ba779b6c1f278d565199-1024x683.jpg?resize=750%2C500&ssl=1)
വീടിനുള്ളിൽ ചെടികൾ വെച്ചുപിടിപ്പിക്കുന്നത് കാഴ്ചക്ക് കുളിർമ്മ നൽകുക എന്ന ലക്ഷ്യത്തിനു മാത്രമുള്ളതല്ല അസാധാരണമായ വായു ശുദ്ധീകരണ ശേഷി ഈ സസ്യങ്ങൾക്ക് ഉണ്ട്. അതുകൊണ്ടുതന്നെ വീട്ടിനുള്ളിൽ എപ്പോഴും ശുദ്ധമായ വായു നിറയുന്നതിന് ഈ ചെടികൾ കാരണമാകും.
നന്നായി വളർന്നു നിൽക്കുന്ന ഈ ചെടികൾ നല്ല ആരോഗ്യത്തിന്റെയും ക്ഷേമത്തിന്റെയും അവബോധം കാണുന്നവരിൽ സൃഷ്ടിക്കുന്നു. നമ്മുടെ കാലാവസ്ഥയ്ക്കും ഇന്റീരിയർ ഡിസൈനിങ്ങിനും ഏറ്റവും യോജിച്ച, വീട്ടിനുള്ളിൽ വളർത്താൻ കഴിയുന്ന 5 ഇനം സസ്യങ്ങൾ ഇതാ.
പ്രകൃതിദത്തമായ എയർ പ്യൂരിഫയറുകളായ ഈ ചെടികൾ സമ്മർദ്ദം കുറയ്ക്കുന്നതിനും,മെച്ചപ്പെട്ട ആരോഗ്യം വളർത്തിയെടുക്കുന്നതിനും ഏറ്റവും നല്ല മാതൃകകളാണ്.
1. അരേക്ക ഈന്തപ്പന
![](https://i0.wp.com/koloapp.in/home/wp-content/uploads/2022/02/fin-6-flanked-sofa-trees-5a3d7c7013f129003715d2a5.jpg?resize=750%2C501&ssl=1)
രണ്ടു മുതൽ മൂന്നു മീറ്റർ വരെ ഉയരത്തിൽ വളരുന്ന ഇവ ഇന്ത്യൻ വീടുകളിൽ വളർത്താൻ ഏറ്റവും യോജിച്ച ഒന്നാണ്.
ശക്തമായ കാലാവസ്ഥയെ പോലും ചെറുക്കാൻ കഴിയുന്ന ഈ ചെടികൾക്ക് പരിപാലനം വളരെ കുറവ് മതി. നന്നായി ഈർപ്പം പുറത്തുവിടുകയും, സെലിൻ, ടോലുയിൻ തുടങ്ങിയ വിഷപദാർത്ഥങ്ങളെ വിഘടിപ്പിക്കുകയും ചെയ്യുന്ന ഈ ചെടികൾ അന്തരീക്ഷത്തിലെ കാർബൺ മോണോക്സൈഡ്, ഫോർമാൽഡിഹൈഡ് എന്നിവ ഇല്ലാതാക്കാനും വളരെയേറെ സഹായിക്കുന്നു.
അരക്ക ഇന്തപ്പനകൾ വിഷരഹിതമായവയാണ്, അതുകൊണ്ടുതന്നെ ചെറിയ കുട്ടികളോ വളർത്തുമൃഗങ്ങളോ നിങ്ങളുടെ വീട്ടിൽ ഉണ്ടെങ്കിലും ഈ ചെടിയുടെ തിരഞ്ഞെടുപ്പ് കൃത്യം ആകും.
2. മണി പ്ലാന്റ്
![](https://i0.wp.com/koloapp.in/home/wp-content/uploads/2022/02/home-interior-decor-with-indoor-house-plants-beautiful-urn-planter-with-chinese-money-plant-missionary-plant-and-moses-in-the-boat-on-stand-at-win-MP0HHC-760x1024.jpg?resize=750%2C1011&ssl=1)
ഇന്ത്യൻ കാലാവസ്ഥയുടെ പെട്ടെന്നുള്ള മാറ്റങ്ങളും ശക്തിയേയും ചെറുക്കാൻ ശേഷിയുള്ളതും കുറഞ്ഞ വെളിച്ചത്തിലും തഴച്ചുവളരുന്നതുമായ ഒരു തരം വള്ളിച്ചെടിയാണ് മണി പ്ലാന്റ്.
മഞ്ഞ പുള്ളികളും ആകർഷകമായ പച്ചനിറവും ചേർന്ന ഹൃദയത്തിന്റെ ആകൃതിയിൽ ഇലകളുള്ള ഈ ചെടികൾ ഏത് ഭിത്തിയേയും, മതിലുകളെയും ജീവനുള്ളവയാക്കി മാറ്റുന്നു. VOC പോലെയുള്ള വിഷപദാർത്ഥങ്ങളെ ആഗിരണം ചെയ്യാനുള്ള ഈ ചെടിയുടെ കഴിവ് ഈ സസ്യത്തെ വീട്ടിനുള്ളിലെ ഒരു അംഗം ആക്കി തീർക്കുന്നു.
വീടിന്റെ തെക്കു-കിഴക്കുഭാഗത്തായി മണി പ്ലാന്റ് നടുന്നത് വാസ്തുശാസ്ത്രപ്രകാരം ഭാഗ്യവും ഐശ്വര്യവും കൊണ്ടുവരുന്നു.
3. പീസ് ലില്ലി
![](https://i0.wp.com/koloapp.in/home/wp-content/uploads/2022/02/DSCF0200-1024x768.jpg?resize=750%2C563&ssl=1)
പേരിൽ ലില്ലി ഉണ്ടെങ്കിലും ഈ ചെടികൾ ലില്ലി കുടുംബത്തിൽപ്പെട്ടവയല്ല. അരസി എന്ന കുടുംബത്തിൽ നിന്നുള്ളവരാണ് പീസ് ലില്ലികൾ.
എല്ലാ കാലാവസ്ഥയോടും, സാഹചര്യങ്ങളോടും ഇതിനു പൊരുത്തപ്പെടാൻ കഴിയുന്നു അതുകൊണ്ട് ഇന്ത്യൻ വീടുകളിൽ മാത്രമല്ല ലോകത്ത് എല്ലായിടത്തും വീട് അലങ്കാരത്തിനായി ഈ ചെടികൾ ഉപയോഗിക്കാറുണ്ട്.
കാഴ്ചയ്ക്ക് അതിമനോഹരമായ ഈ ചെടികൾ അസറ്റോൺ, ബെൻസീൻ, ആൽക്കഹോൾ തുടങ്ങിയ വായു മലിനീകരിക്കുന്ന വിഷപദാർത്ഥങ്ങളെ നീക്കം ചെയ്യുന്നു. നിങ്ങളുടെ വീട്ടിലെ സ്വീകരണമുറിയിലോ, ബാത്റൂമിലോ ഈ ചെടികൾ വയ്ക്കുന്നത് അലങ്കാരം എന്നപോലെ ആരോഗ്യത്തിനും ഗുണം ചെയ്യും.
4. സ്നേക്ക് പ്ലാന്റ്
![](https://i0.wp.com/koloapp.in/home/wp-content/uploads/2022/02/maxresdefault-1024x700.jpg?resize=750%2C513&ssl=1)
ശക്തവും, നീളമേറിയതുമായ ഇലകളുള്ളതും നിത്യഹരിത പൂക്കളോട് കൂടിയതുമായ ചെടികളാണ് സ്നേക്ക് പ്ലാന്റുകൾ.
ക്ലോറോഫോം, ആൽക്കഹോൾ, ഓക്സൈഡ് തുടങ്ങിയ നൂറിലധികം വായുമലിനീകരണ വസ്തുക്കളെ ഈ ചെടി ഇല്ലാതാകുന്നു. രാത്രിയിൽ ധാരാളമായി ഓക്സിജൻ ഉല്പാദിപ്പിക്കുന്ന സ്നേക്ക് പ്ലാന്റ് കിടപ്പുമുറിയിൽ സൂക്ഷിക്കാൻ മികച്ച ഇനമാണ്.
പരിപാലനം വളരെക്കുറച്ചു മാത്രം മതി എന്ന പ്രത്യേകതയും ഈ ചെടികൾ കൊണ്ട്.
5. കറ്റാർവാഴ
![](https://i0.wp.com/koloapp.in/home/wp-content/uploads/2022/02/2d6a57addf4acd943bda6b3c91d375a3e129e2f6-tc-img-preview.jpg?resize=750%2C602&ssl=1)
അപാരമായ രോഗശാന്തിയും, ആരോഗ്യവും തരുന്ന ഈ ചെടികൾ മരുന്നുകൾ, സൗന്ദര്യവർധകവസ്തുക്കൾ, പാനീയങ്ങൾ എന്നിവയിൽ കാലാകാലങ്ങളായി ഉപയോഗിച്ചു വരുന്നവയാണ്.
ഇത്രയധികം പ്രത്യേകതയുള്ള ഈ കറ്റാർവാഴ വീട്ടിനുള്ളിലെ ചെടിയായി ഉപയോഗിക്കാനും കഴിയുന്നവയാണ്. വായുവിൽ നിന്ന് ഫോർമാൽഡിഹൈഡ് ബെൻസീൻ എന്നിവയെ ഇല്ലാതാക്കാൻ ഈ ചെടികൾ സഹായിക്കുന്നു. പോസിറ്റീവ് എനർജി പ്രസരിപ്പിക്കുമെന്ന് വിശ്വസിക്കുന്ന ഈ ചെടികൾ സ്വീകരണ മുറികളും കിടപ്പുമുറികളും അലങ്കരിക്കാൻ ഏറ്റവും യോജിച്ചത് തന്നെ.
ഇവയുടെ ചികിത്സ ഗുണങ്ങളും, മനോഹരമായ തടിച്ച്, കൊഴുത്ത ഇലകളും ഈ ചെടിയെ വീട് അലങ്കാരത്തിന്റെ നിർബന്ധിത സസ്യമാക്കി മാറ്റുന്നു.