Sandeep koshy

ലൊക്കാലിറ്റി, ബിൽഡർ, ബിൽഡിങ് ഡിസൈൻസ് ,ബിൽഡിങ് മെറ്റീരിയൽസ് , കാർപെറ്റ് ഏരിയ, വേസ്റ്റ് ഡിസ്പോസൽ ഫെസിലിറ്റി, സീവേജ് ട്രീറ്റ്മെൻറ് ഫെസിലിറ്റി , ഇൻറീരിയർ ഡിസൈനിങ്, കാർ പാർക്കിംഗ് ഏരിയ, എന്നിവയെല്ലാമാണ് മെയിൻ ആയിട്ട് കൺസ്ട്രക്ഷൻ സൈഡിൽ നിന്നും കൂടുതൽ ശ്രദ്ധിക്കേണ്ടത്.

പ്രധാനമായും രണ്ടു കാര്യങ്ങളാണ് ശ്രദ്ധിക്കേണ്ടത് ഒന്ന് നിയമപരമായ കാര്യങ്ങൾ രണ്ട് കൺസ്ട്രക്ഷൻ സംബന്ധിച്ച കാര്യങ്ങൾ. വസ്തുവിൻറെ നിയമപരമായി വരുന്ന എല്ലാ രേഖകളും വിശദമായി പരിശോധിച്ച് , ആ വസ്തുവിനെ കുറിച്ചുള്ള ലീഗൽ ഒപ്പീനിയൻ നേടിയതിനു ശേഷമേ ഒരു വസ്തു വാങ്ങുന്നതിനു നമ്മൾ പോകാൻ പാടുള്ളൂ. അതായത് വസ്തുവിൻറെ പ്രമാണം അല്ലെങ്കിൽ ആധാരം, അതിൻറെ മുന്നാതാരങ്ങൾ, ആ വസ്തുവിൻറെ പൊസഷൻ സർട്ടിഫിക്കറ്റ് എന്നിവ നിശ്ചയമായും ചെക്ക് ചെയ്തിരിക്കണം. ഇതുകൂടാതെവസ്തുവിന് കടബാധ്യത എന്തെങ്കിലും ഉണ്ടോ എന്നുള്ളതും, വസ്തുവിന് മറ്റേതെങ്കിലും അവകാശികൾ ഉണ്ടോ എന്നുള്ളതും , ഏതെങ്കിലും അവകാശ തർക്കങ്ങൾ വസ്തുവിന്മേൽ വന്നിട്ടുണ്ടോ എന്നുള്ള തും, വസ്തുവിൻറെ അതിരുകൾ എല്ലാം കറക്റ്റ് ആയിട്ടാണോ ആധാരത്തിൽ ഉള്ളതെന്ന്, അത് തണ്ണീർത്തട നിയമത്തിന് വിധേയമല്ല എന്നുള്ളത്, ഏതെങ്കിലും വികസന പ്രവർത്തനത്തിനു പേരിൽ അറ്റാച്ച് ചെയ്യപ്പെട്ടിട്ടില്ല എന്നുള്ളതും , വസ്തുവിനെ പേരിലുള്ള എല്ലാ നികുതികളും കറക്ടായിട്ട് ഒടുക്കി ബാധ്യത ഇല്ലാത്ത ഭൂമിയാണോ എന്നുള്ളതും, നിർബന്ധം ആയിട്ടും വസ്തു വാങ്ങുമ്പോൾ അറിഞ്ഞിരിക്കേണ്ട കാര്യങ്ങൾ ആണ്.