സ്റ്റോൺ ഫ്ലോറിങ് മനോഹരവും ഉറപ്പുള്ളതും വളരെക്കാലം നിലനിൽക്കുന്നതുമായാ ഒരു ഫ്ലോറിങ് ഓപ്ഷൻ ആണ് – മാത്രമല്ല ഇവ വീട്ടിലെ ഏത് മുറിയിലും, വീടിനകത്തും, പുറത്തും ഇവിടെയും എളുപ്പത്തിൽ തന്നെ ഉപയോഗിക്കാവുന്ന ഒരേയൊരു ഫ്ലോറിംഗ് മെറ്റീരിയലുകളിൽ ഒന്നാണ് (ഒരുപക്ഷേ കോൺക്രീറ്റ് ഫ്ലോറിങ് ഒഴിച്ച് ).
നിങ്ങളുടെ വീടിന്റെ തറ സ്റ്റോൺ ഫ്ലോറിങ് കൊണ്ട് അലങ്കരിക്കാൻ ആലോചിക്കുകയാണെങ്കിൽ, ഇതിന്റെ ഗുണങ്ങളും ദോഷങ്ങളും അറിയേണ്ടതായി ഉണ്ട്. കൃത്യമായി അറിഞ്ഞു തന്നെ തീരുമാനമെടുക്കാം.
സ്റ്റോൺ ഫ്ലോറിംഗിന്റെ ഗുണങ്ങൾ
സ്റ്റോൺ ഏറെക്കാലം നിലനിൽക്കും
മനുഷ്യർ നിർമ്മിച്ച ഏറ്റവും പുരാതനമായ നിർമിതികൾ കല്ലുകൊണ്ട് നിർമ്മിച്ചവയാണ് എന്ന് പറയുമ്പോൾ തന്നെ മനസ്സിലാകുമല്ലോ സ്റ്റോണിന്റെ അവിശ്വസനീയമായാ ശക്തി.
വർഷങ്ങളോളം ഈട് നിൽക്കുന്ന ഒരു വീടാണ് നിങ്ങൾ രൂപകൽപ്പന ചെയ്യാൻ ഉദ്ദേശിക്കുന്നതെങ്കിൽ കല്ല് ഫ്ലോറിങ് ഒരു മികച്ച തിരഞ്ഞെടുപ്പാണ്.
വുഡ് ഫ്ലോറിംഗ് ചെയ്യുമ്പോൾ റിഫൈനിഷിംഗ് ആവശ്യമായി വരാറുണ്ട് അതുപോലെതന്നെ
എഞ്ചിനീയറിംഗ് വുഡ് ഫ്ലോറുകൾ കുറച്ച് കാലത്തിന് ശേഷം മാറ്റിസ്ഥാപിക്കേണ്ടത് ആവശ്യമാണ്, സ്റ്റോൺ ഫ്ലോറിങ്ങിന് വളരെ കുറച്ച് അറ്റകുറ്റപ്പണികൾ മാത്രമേ ആവശ്യമുള്ളൂ.
ഒഴുക്ക് സൃഷ്ടിക്കുന്നു
നിങ്ങളുടെ വീടിന്റെ ഇൻഡോർ-ഔട്ട്ഡോർ ഫ്ലോ മനോഹരം ആവണമെന്ന് ആഗ്രഹിക്കുന്നുവെങ്കിൽ, വീടിനുള്ളിൽ ഒരേ സ്റ്റോൺ ഉപയോഗിക്കുന്നത് രണ്ട് ഇടങ്ങളെയും ബന്ധിപ്പിക്കുന്നതിനുള്ള മികച്ച മാർഗമാണ്.
പ്രത്യേകിച്ച് സ്റ്റോൺ പാകിയ വലിയ ജനാലകളും സ്ലൈഡിംഗ് ഗ്ലാസ് വാതിലുകളും – അല്ലെങ്കിൽ ഒരു പിവറ്റിംഗ് മതിൽ പോലും – സൃഷ്ടിക്കുന്ന ഇഫക്റ്റ് അതിശയകരമാണ്.
സ്റ്റോൺ തണുപ്പ് സൃഷ്ടിക്കുന്നു
നിങ്ങളുടെ വീട് നിലനിൽക്കുന്ന കാലാവസ്ഥ ചൂട് ഉള്ളതാണെങ്കിൽ സ്റ്റോൺ ഫ്ലോറിങ് മികച്ച ഓപ്ഷൻ ആണ്. വീടിന് പുറത്തെ താപനില ഉയരുമ്പോൾ പോലും തണുപ്പ് നിലനിർത്താനുള്ള കല്ലിന്റെ സ്വാഭാവിക കഴിവ് നിങ്ങൾക്കൊരു അനുഗ്രഹമാകും. വേനൽക്കാലത്ത് നഗ്നപാദനായി ഈ സ്റ്റോൺ ഫ്ലോറിങ്ങിൽ കൂടി നടക്കുന്നത് മികച്ച ഒരു അനുഭൂതിയാണ്.
സ്റ്റോൺ ഫ്ലോറിങ് അലർജിയെ അകറ്റി നിർത്തുന്നു
നിങ്ങൾക്കോ കുടുംബാംഗങ്ങൾക്കോ അലർജിയുണ്ടെങ്കിൽ, പൊടിയും അലർജിയും വീട്ടിൽ നിന്ന് അകറ്റി നിർത്താനുള്ള നിങ്ങളുടെ ശ്രമങ്ങളെ സ്റ്റോൺ ഫ്ലോറുകൾ കാര്യമായി സഹായിച്ചേക്കാം. കട്ടിയുള്ളതും, സുഷിരമില്ലാത്തതുമായ സ്റ്റോൺ ഫ്ലോറിംഗ് ഉപരിതലം അലർജിയെ മറച്ചു നിർത്താനായി നിർമിക്കപ്പെട്ടവയാണ്. ഈ പ്രതലം വൃത്തിയാക്കൽ കൂടുതൽ ഫലപ്രദമാക്കുകയും ചെയ്യുന്നു.
സ്റ്റോൺ ഫ്ലോറിംഗിന്റെ ദോഷങ്ങൾ
സ്റ്റോൺ ഫ്ലോറിങ് – വില കൂടുതൽ
സ്റ്റോൺഫ്ലോറിങ്ങിന് ആയി ഉപയോഗിക്കുന്ന കല്ലുകൾക്ക് വില അൽപം കൂടുതലാണ്. പ്രാദേശികമായി ഖനനം ചെയ്യുന്ന കല്ല് തിരഞ്ഞെടുക്കുന്നത് ചെലവ് കുറയ്ക്കുന്നതിനുള്ള ഒരു മാർഗമാണ്, കാരണം ഷിപ്പിംഗ് ചാർജ് വില വർദ്ധിപ്പിക്കുന്ന ഒരു ഘടകമാണ്, എന്നാൽ പ്രാദേശികമായി ഖനനം ചെയ്ത സ്റ്റോൺ ഫ്ലോറിങ്ങിന് പോലും മരം പോലെയുള്ള മറ്റ് ഓപ്ഷനുകളേക്കാൾ വിലക്കൂടുതൽ ആകാറുണ്ട്.
കാലാവസ്ഥ
നിങ്ങളുടെ വീടിന്റെ കാലാവസ്ഥ തണുപ്പുള്ളതാണെങ്കിൽ, സ്റ്റോൺ ഫ്ലോറിങ് ഉപേക്ഷിക്കുന്നതാവും കൂടുതൽ നല്ലത്.
കാരണം സ്റ്റോൺ ഫ്ലോറിങ് എപ്പോഴും തണുപ്പ് പുറപ്പെടുന്നതാണ് .
ഈ തണുപ്പിനെ നിങ്ങൾക്ക് റഗ്ഗുകൾ ഉപയോഗിച്ച് പ്രതിരോധിക്കാൻ കഴിയും, എന്നാൽ തറയുടെ ഏതെങ്കിലും തുറന്ന പ്രദേശങ്ങളിൽ നഗ്നപാദത്തിൽ നടക്കുന്നത് ആലോചിക്കാൻ പോലും കഴിയുകയില്ല.
നനഞ്ഞ കല്ല് വഴുവഴുപ്പുള്ളതാകാം
സ്റ്റോൺ ഫ്ലോറിങ്ങിന് ഉപയോഗിക്കുന്ന കല്ലുകളുടെ ഫിനിഷും സീലന്റും കല്ല് വഴുവഴുപ്പുള്ളതാക്കി തീർക്കും.
അതുകൊണ്ട് തന്നെ നിങ്ങളുടെ ആവശ്യത്തിനും ഉപയോഗത്തിനുള്ള മികച്ച കല്ലുകളെ പറ്റി വ്യാപാരിയോട് ഉപദേശം തേടി വേണം തിരഞ്ഞെടുക്കാൻ.
എന്നാൽ വഴുവഴുപ്പ് കുറവുള്ള, ഹോണഡ് ഫിനിഷിൽ വരുന്ന കല്ലുകൾ പോലും , നനഞ്ഞാൽ വളരെ മിനുസമാർന്നതായി മാറാറുണ്ട്.
കുളിമുറിയിലോ തറയിലേക്ക് വെള്ളം തെറിച്ചേക്കാവുന്ന മറ്റ് സ്ഥലങ്ങളിലോ സ്റ്റോൺഫ്ലോറിങ് ഉപയോഗിക്കുകയാണെങ്കിൽ, നോൺസ്കിഡ് മാറ്റുകൾ ഉപയോഗിക്കുന്നത് ഉറപ്പാക്കുക.
കല്ലിന്റെ ശക്തി വീഴ്ചകളെ കൂടുതൽ അപകടകരമാക്കും
ചുറുചുറുക്കുള്ള കുട്ടികളും കൂടുതൽ ദുർബലമായ അസ്ഥികളുള്ള പ്രായമായവരും വീട്ടിൽ ഉണ്ടെങ്കിൽ സ്റ്റോൺ ഫ്ലോറിങ് ചെയ്യുമ്പോൾ സൂക്ഷിക്കുക .
അതുപോലെ തന്നെ പാത്രങ്ങളും, ഗ്ലാസ്വെയറുകളും സ്റ്റോൺ തറയിൽ വീഴുമ്പോൾ തകരാൻ സാധ്യത കൂടുതലാണ്.
കല്ല് ശരിക്കും ഭാരമുള്ളതാണ്
സ്റ്റോൺ ഫ്ലോറിംഗിന് ഉപയോഗിക്കുന്ന കല്ലുകൾ അത്യാവിശ്യം ഭാരം ഉള്ളയാണ് അതുകൊണ്ട് തന്നെ ഇവ സ്ഥാപിക്കുന്നതിന് വൈദഗ്ധ്യമുള്ള ജോലിക്കാരുടെ സേവനം ആവശ്യമാണ്.
വീടിന്റെ സെക്യൂരിറ്റി: CCTV ക്ക് പുറമെ ബർഗ്ലർ അലാറം എന്തിന്??