റോ ഹൗസ് വാസ്തുവിദ്യയുടെ ദോഷങ്ങൾ
- നിങ്ങളുടെ വസ്തു വേറിട്ടുനിൽക്കണമെന്ന് ആഗ്രഹിക്കുന്നുണ്ടെങ്കിൽ റോ ഹൗസുകൾ ഒരു പോരായ്മയായേക്കാം. നിങ്ങളുടെ വീടും അയൽ വീടും തമ്മിൽ ഒരു മതിലിന്റെ മാത്രം വേർതിരിവെ ഉള്ളതിനാൽ നിങ്ങളുടെ സ്വകാര്യത കുറച്ച് കുറഞ്ഞേക്കാം. താമസസ്ഥലത്തിന്റെ മുന്നിലും പിന്നിലും ജനാലകളുടെ ആദിക്യം കാരണം, റോ വീടുകളിൽ സ്വാഭാവിക വെളിച്ചം കുറവ് ആകാൻ സാധ്യതയുണ്ട്.
- റോ ഹൗസുകൾക്ക് ഡ്രൈവ്‌വേയും അറ്റാച്ച് ചെയ്ത ഗാരേജും ഉണ്ടാകാറില്ല , ഇത് വാഹന ഉടമകളായ വീട് ഉടമസ്ഥർക്ക് അസൗകര്യമുണ്ടാക്കാം.
എന്തുകൊണ്ടാണ് നിങ്ങൾ ഇന്ത്യയിൽ റോ ഹൗസുകൾ തിരഞ്ഞെടുക്കേണ്ടത്?
സ്ഥിരതയുള്ള പ്ലാനും വാസ്തുവിദ്യയും
അകത്തെ വാസ്തുവിദ്യ ഒന്നുതന്നെയാണ്, എന്നാൽ ഗോവണിപ്പടികൾ, നടുമുറ്റം, വീട്ടുമുറ്റങ്ങൾ എന്നിവ ഓരോ വീടിനും സവിശേഷമാണ്. ചുരുക്കത്തിൽ, പഴയ അടിസ്ഥാന സൗകര്യങ്ങളുടെ അനുഭവവും ആധുനിക രൂപകൽപ്പനയുടെ അനുയോജ്യമായ മിശ്രിതമാണ് റോ ഹൗസുകൾ .
നിർമ്മാണച്ചെലവ് കുറവാണ്
യൂണിറ്റുകൾ തമ്മിൽ ഒരു പൊതു മതിൽ മാത്രം പങ്കിടുന്നതിനാൽ, ഭൂമി കാര്യക്ഷമമായി ഉപയോഗിക്കുന്നതിന് റോ ഹോമുകൾ മികച്ച് നിൽക്കുന്നു. ഉപഭോക്താവിനും ഡെവലപ്പർക്കും ഇതിൽ നിന്ന് വലിയ പ്രയോജനം ലഭിക്കുന്നു. കുറഞ്ഞ വിലയിൽ നിന്ന് ഉപഭോക്താവിന് വലിയ പ്രയോജനം ലഭിക്കുന്നു.പ്രത്യേകിച്ച് സ്ഥലപരിമിതിയുള്ള സ്ഥലങ്ങളിൽ റോ ഹൗസുകൾ ഒരു അനുഗ്രഹം തന്നെയാണ്.
വ്യത്യസ്തതരം റോ ഹൗസ് ഡിസൈനുകൾ
വിദേശത്ത് വളരെ ജനപ്രിയമായ റോ ഹൗസുകൾ വിവിധ ഡിസൈനുകളിൽ കാണപ്പെടുന്നുണ്ട് . ഇന്ത്യയിലും, ഈ ഡിസൈനുകളിൽ ചിലത് ഇപ്പോൾ കൂടുതൽ പ്രചാരത്തിലുണ്ട്. നമുക്കൊന്ന് നോക്കാം.
വിക്ടോറിയൻ
ഉയർന്ന പിച്ചുള്ള മേൽക്കൂരകൾ, അലങ്കരിച്ച ഗേബിളുകൾ, ടൈൽ ചെയ്ത ഇടനാഴികൾ, ശോഭയുള്ള നിറങ്ങൾ, സ്റ്റെയിൻ-ഗ്ലാസ് വിൻഡോകൾ എന്നിവ ഉൾപ്പെടുന്ന 19-ാം നൂറ്റാണ്ടിലെ ഘടകങ്ങളാണ് വിക്ടോറിയൻ റോ ഹോം എക്സ്റ്റീരിയർ ഡിസൈൻ ആശയങ്ങളുടെ സവിശേഷതകൾ .
ജോർജിയൻ
രണ്ട്-മൂന്ന് നിലകളുള്ള ഈ റോ ഹോം ഡിസൈനുകൾക്ക് സാധാരണ ഇഷ്ടികയുടെ ടെക്സ്ചർ ഉണ്ടാകും. വിശാലമായ ജനലുകളും, വാതിലുകളും ഈ സ്റ്റൈലിന്റെ മറ്റൊരു പ്രത്യേകതയാണ്.
ഗ്രീക്ക്
ഗ്രീക്ക് റിവൈവൽ ശൈലിയിലുള്ള റോ ഹോം ഡെക്കറുകളുടെ സ്വഭാവ സവിശേഷതകളാണ് അലങ്കാരളുള്ള പരന്ന മേൽക്കൂരകൾ, വിശാലമായ ജാലകങ്ങൾ, പ്രധാനവും വിശാലവുമായ ഒരു പ്രവേശന കവാടം അല്ലെങ്കിൽ പൂമുഖം എന്നിവ.
ഫെഡറൽ
ഫെഡറൽ ശൈലിയിൽ അലങ്കരിച്ച ഒരു റോ വീടിന് സാധാരണയായി ഇഷ്ടിക കൊണ്ടുണ്ടാക്കിയ പ്രവേശനകവാടവും, ഈ കവാടത്തിന് ചുറ്റും ഏറ്റവും കുറഞ്ഞ വാസ്തുവിദ്യാ ഘടകങ്ങളുമെ ഉണ്ടാകാറുള്ളു. പരമാവധി രണ്ട് നിലകൾ വരെ ഉയരം ഉണ്ടാകാറുണ്ട് ഇത്തരം റോ ഹൗസുകൾക്ക്.
ഇറ്റാലിയൻ
റോ ഹോം ഡിസൈനുകളുടെ ഏറ്റവും പതിവ് ശൈലിയാണ് ഇറ്റാലിയൻ റോ ഹൗസുകൾ. മൂന്ന് മുതൽ അഞ്ച് നിലകൾ വരെ ഉയരത്തിൽ നിർമ്മിക്കുന്ന ഈ വീടുകളുടെ പ്രധാന പ്രത്യേകതകൾ റൗണ്ട് -ടോപ്ഡ് വാതിലുകളും ജനാലകളും , മുൻവശത്തെ പൂമുഖം, പ്രത്യേകരീതിയിലുള്ള ബേ വിൻഡോ എന്നിവയാണ്.
ഗോതിക്
പ്രകൃതിദത്ത രൂപങ്ങളും ഗോഥിക് നവോത്ഥാന ശൈലിയിലുള്ള യൂറോപ്യൻ പള്ളികളുമാണ് ഗോതിക് റിവൈവൽ റോ വീടുകൾക്ക് പ്രചോദനം ആകുന്നത് . പരന്ന മേൽക്കൂരകൾ, ഭാഗികമോ പൂർണ്ണമോ ആയ ബ്രൗൺസ്റ്റോൺ പുറംഭാഗങ്ങൾ, കമാനങ്ങളുള്ള പ്രവേശന കവാടങ്ങൾ, മൾട്ടി-പാൻഡ് വിൻഡോകൾ എന്നി സവിശേഷതളും ഗോഥിക് റോ വീടുകളിൽ ഉൾപ്പെടുന്നു.
ബ്രൗൺസ്റ്റോൺസ്
നിർമാണ സാമഗ്രിയായ മണൽക്കല്ല് ഉപയോഗിച്ച് നിർമ്മിച്ച റോ കെട്ടിടങ്ങളാണ് ബ്രൗൺസ്റ്റോണുകൾ. ചുവപ്പ് കലർന്ന തവിട്ട് നിറമുള്ള ബ്രൗൺസ്റ്റോൺ പത്തൊൻപതാം നൂറ്റാണ്ടിലെ ഒരു ജനപ്രിയ നിർമാണശൈലി തന്നെയായിരുന്നു
Part -1 :-എന്താണ് റോ ഹൗസ്?മറ്റ് വീടുകളിൽ നിന്ന് റോ ഹൗസുകൾ എങ്ങനെ വ്യത്യാസപ്പെടുന്നു?